• یک بسته گاز بلده کنترل خونریزی در دهان شیم ایشته شده. ای گاز ره کم از کم تا نیم

ساعت در جایشی ماکم نگاه کید

• تا 24 ساعت دهان خو ره نشویید، چره که ممکنه لخته خون ره از بین بوبره.
• تا 24 ساعت سگرت نکشید و از الکول استفاده نکید.
• بعد از یک ساعت می تینید با طرف دیگر دهان خو آو، مایعات وغذا بوخرید و بنوشید ،

اما باید زیاد گرم و زیاد یخ نباشه.

• خوراک یا مایعات نوشیدنی ره ده دور دهان خود نچرخنید، چره که ممکنه لخته خون

ره از بین بوبره.

• احتیاط کنید لب خو ره در وقتی که بی حسه، دندان نگرید.
• شروع از فردا، نیم قاشق چایخوری نمک ره در یک گیلاس آو گرم حل کید. ای محلول

ره بلدۀ یک وقت کم در دهان خو بیگیرید تا زخم ره بشویید. کم از کم تا پنج روز آینده

بعد از خوردون غذا و شو ها پیش از خاو کیدو ده آرامی دهان خو ره قد آو نمک بشویید.

• خون ریزی کم ده 12 تا 24 ساعت اول بعد از کشیدون دندان زیاد دیده موشه.

• اگه خون ریزی زیاد یا دوامدار باشه، ده آرامی دهان خود ره با آب یخ بشویید، پس ازو یک بسته گاز پاک یا یک قطعه مربع 10 سانتی متری پارچه پاک قات شده ره بلی جای خونریزی بیلید. از دستمال کاغذی یا پشم پنبه کار نگرید.

• بلی ای بسته بلده 30 دقیقه با دندان خو محکم فشار بدید.

• طوری استراحت کنید که سر شیم کمی بالتر باشه.

• اگه خونریزی دوام کنه یا زیاد باشه با همو کلینیک دندانی که رفته بودید تماس بیگرید یا اگه کلینیک میسر نیه، با بخش جراحی دهان، الاشه و روی ده شفاخانۀ دندان ادیلاید به نمبر تلفون 8220 8222 تماس بیگرید.

• ده خونریزی شدید بعد از ساعت رسمی کاری، بلده مشوره ده بارۀ انتخاب های زیادتر مراقبت، با healthdirect Australia به شمارۀ 222 022 1800 تماس بیگرید.

• ده چند روز آینده ممکنه درد دیشته باشید.
• اگه ضرورت شد می تینید از پاراستامول و/ یا ایبوپروفن (مثلاً نوروفن) یا مسکن های مثل اینا استفاده کنید. از راهنمایی روی بستۀ دوا پیروی کید.

لطفا توجه کنید: اگر به ای دواها حساسیت دیرید، یا استما، رفلکس یا زخم معده دیرید ، از ایبوپروفن یا آسپرین استفاده نکید.

• بلدۀ مشوره زیادتر ده بارۀ تسکین درد، با همو کلینیک دندانی که رفته بودید یا داکتر محلی خو تماس بیگرید.

• آماس طبیعی استه و می تینه ده حدود 36 تا 48 ساعت پس از جراحی به شدت خو بیرسه.
• آماس بعد از 4 تا 5 روز شروع ده کم شدو مونه.
• اگه ضرورت شد، ده خانه بلده کمک به کم کدون آماس، یک خلطۀ یخ ره بلده 20 دقیقه ده روی خو بیگرید. به مدت 10 دقیقه او ره پس کید و بعد اگه ضرورت شد ده 24 تا 48 ساعت اول تکرار کنید.
• با کم شدون آماس ممکنه کمی کبودی پیدا شونه.
• ممکنه ده واز کدون دهان خو مشکل پیدا کنید. این طبیعی یه و با کم شدون پندیدگی واز کدون دهان آسان تر موشه.
• رژیم غذایی خو ره به مایعات و خوراک های نرم محدود کنید.
• در طی هفته آینده به تدریج رژیم غذایی عادی خو ره دوباره شروع کنید.
• برس کدون عادی دندان های خو ره هرچه زودتر شروع کنید.