• ស្បៃមួយដុំត្រូវបានដាក់នៅក្នុងមាត់របស់អ្នក ដើម្បីគ្រប់គ្រងការហូរឈាម។ រក្សាស្បៃនោះឱ្យជាប់នៅនឹង កន្លែងយ៉ាងហោចណាស់កន្លះម៉ោង។
• កុំលាងជម្រះមាត់របស់អ្នកក្នុងរយៈពេល 24 ម៉ោង ពីព្រោះវាអាចរំខានដល់ការកកឈាម។
• កុំជក់បារី និងកុំពិសាគ្រឿងស្រវឹងក្នុងរយៈពេល 24 ម៉ោង។
• បន្ទាប់ពីបានមួយម៉ោង អ្នកអាចពិសា និងផឹកពីម្ខាងទៀតនៃមាត់របស់អ្នក ប៉ុន្តែចូរកុំពិសា ឬផឹកអ្វីដែល ក្តៅពេក ឬត្រជាក់ពេក។
• កុំបង្វិលអាហារ ឬភេសជ្ជៈនៅជុំវិញមាត់របស់អ្នក ពីព្រោះវាអាចរំខានដល់ការកកឈាម។
• សូមប្រយ័ត្នកុំខាំបបូរមាត់របស់អ្នក ខណៈពេលវាកំពុងស្ពឹក។
• ចាប់ផ្តើមពីថ្ងៃស្អែកទៅ រំលាយអំបិលកន្លះស្លាបព្រាកាហ្វេក្នុងទឹកក្តៅឧណ្ហៗមួយកែវ។ លាងជម្រះមុខរបួស ដោយបៀមសូលុយស្យុងក្នុងមាត់របស់អ្នករយៈពេលខ្លី។ លាងជម្រះថ្នមៗជាមួយនឹងទឹកអំបិល បន្ទាប់ពី បរិភោគអាហារ និងមុនពេលចូលគេង ឱ្យបានយ៉ាងហោចណាស់ប្រាំថ្ងៃបន្ទាប់។

• ឈាមហូរតិចតួចគឺជារឿងធម្មតាទេក្នុងរយៈពេល 12 ទៅ 24 ម៉ោងដំបូង។
• ប្រសិនបើមានការហូរឈាមខ្លាំង ឬជាប់រហូត ចូរលាងជម្រះមាត់របស់អ្នកថ្នមៗជាមួយទឹកត្រជាក់
  បន្ទាប់មក ដាក់ដុំស្បៃស្អាត ឬក្រណាត់បត់ស្អាតទំហំ 10 សង់ទីម៉ែត្របួនជ្រុងពីលើកន្លែងហូរឈាមនោះ។
  កុំប្រើក្រណាត់ ឬដុំសំឡី។
• ខាំលើដុំស្បៃមោះឱ្យបានជាប់ រយៈពេល 30 នាទី។
• សម្រាកដោយដាក់ក្បាលរបស់អ្នកឱ្យខ្ពស់បន្តិច។
• ប្រសិនបើការហូរឈាមនៅតែបន្ត ឬធ្ងន់ធ្ងរ សូមទាក់ទងគ្លីនិកធ្មេញដែលអ្នកបានចូលរួម ឬប្រសិនបើមិនអាច រកបានគ្លីនិកទេ សូមទូរសព្ទទៅអង្គភាពវះកាត់មាត់ និងឆ្អឹងធ្មេញមុខ (Oral and Maxillofacial Surgery Unit) នៅមន្ទីរពេទ្យធ្មេញអាឌឺឡែត តាមលេខ 8222 8220។
• សម្រាប់ការហូរឈាមធ្ងន់ធ្ងរក្រោយម៉ោងធ្វើការ សូមទូរសព្ទទៅ ealthdirect Australia តាមលេខ 1800 022 222 សម្រាប់ដំបូន្មានអំពីជម្រើសនៃការថែទាំបន្ថែម។

• អ្នកអាចជួបប្រទះការឈឺចាប់ក្នុងរយៈពេលពីរបីថ្ងៃខាងមុខ។
• លេបថ្នាំប៉ារ៉ាសេតាមុល និង/ឬ Ibuprofen (ឧទាហរណ៍ Nurofen) ឬថ្នាំបំបាត់ការឈឺចាប់ស្រដៀង គ្នា ប្រសិនបើចាំបាច់។ សូមធ្វើតាមការណែនាំនៅលើកញ្ចប់។

សូមកត់ចំណាំ៖ កុំប្រើថ្នាំ Ibuprofen ឬថ្នាំអាស្ពីរីន ប្រសិនបើអ្នកមានប្រតិកម្មទាស់នឹងថ្នាំទាំងនេះ មានជំងឺហឺត ការច្រាលអាហារចេញពីក្រពះ ឬដំបៅក្រពះ។

• សម្រាប់ដំបូន្មានបន្ថែមអំពីការបំបាត់ការឈឺចាប់ សូមទាក់ទងគ្លីនិកធ្មេញដែលអ្នកបានចូលរួម ឬវេជ្ជបណ្ឌិត ក្នុងតំបន់របស់អ្នក។

• ការហើមគឺធម្មតាទេ ហើយអាចឡើងដល់កម្រិតកំពូលប្រហែល 36 - 48 ម៉ោងបន្ទាប់ពីការវះកាត់។
• ការហើមនឹងចាប់ផ្តើមថយចុះបន្ទាប់ពី 4 - 5 ថ្ងៃ។
• ប្រសិនបើចាំបាច់ ដើម្បីជួយកាត់បន្ថយការហើមនៅផ្ទះ ចូរដាក់កញ្ចប់ទឹកកកនៅលើថ្ពាល់របស់អ្នក រយៈពេល 20 នាទី។ យកវាចេញក្នុងរយៈពេល 10 នាទី បន្ទាប់មកធ្វើម្តងទៀតតាមតម្រូវការក្នុងរយៈ ពេល 24 - 48 ម៉ោងដំបូង។
• ស្នាមជាំខ្លះអាចកើតមានឡើងនៅពេលដែលការហើមថយចុះ។
• អ្នកអាចជួបប្រទះការលំបាកក្នុងការបើកមាត់របស់អ្នក។ នេះគឺជារឿងធម្មតាទេ ហើយនឹងកាន់តែងាយ ស្រួល នៅពេលដែលការហើមថយចុះ។
• រឹតត្បិតរបបអាហាររបស់អ្នកត្រឹមតែវត្ថុរាវ និងអាហារទន់ៗប៉ុណ្ណោះ។
• ត្រឡប់ទៅរបបអាហារធម្មតារបស់អ្នកវិញបន្តិចម្ដងៗនៅសប្តាហ៍ក្រោយ។
• ចាប់ផ្តើមដុសធ្មេញធម្មតា ឱ្យបានឆាប់តាមដែលអាចធ្វើទៅបាន។