តារាងអត្ថប្រយោជន៍ធ្មេញកុមារ (CDBS) គឺជាគំនិតផ្តួចផ្តើមមួយដែលផ្តល់មូលនិធិដោយរដ្ឋាភិបាល Commonwealth តាមរយៈ Medicare ដែលបានរចនាឡើងដើម្បីគាំទ្រគ្រួសារ ក្នុងការទទួលបានការថែទាំធ្មេញសម្រាប់កូនរបស់ពួកគេដែលមានអាយុពី 0 ទៅ 17 ឆ្នាំ។

នៅ SA Dental អ្នក​អាច​ប្រើ CDBS ហើយ​យើង គិតថ្លៃព្យាបាលផ្ទាល់​ពី Medicare។ មិនមានការគិតថ្លៃបន្ថែមទេ នៅពេលដែលអត្ថប្រយោជន៍អតិបរមារបស់ CDBS ឈានដល់កម្រិត។

អ្នកមិនចាំបាច់ដាក់ពាក្យសុំ ឬចុះឈ្មោះសម្រាប់ CDBS ទេ។ ប្រសិនបើកូនរបស់អ្នកមានសិទ្ធិទទួល Services Australia (សេវាកម្មអូស្ត្រាលី) នឹងផ្ញើលិខិតមួយច្បាប់មកអ្នក។

បុគ្គលិករបស់យើងក៏នឹងពិនិត្យជាមួយអ្នក មុនការណាត់ជួបរបស់អ្នកផងដែរ។

កុមារអាចចូលប្រើគ្រោងការណ៍នេះ នៅពេលបំពេញតាមគ្រប់ទាំងចំណុចដូចខាងក្រោម៖

• ពួកគេមានសិទ្ធិទទួលបាន Medicare
• ពួកគេមានអាយុពី 0 ទៅ 17 ឆ្នាំ យ៉ាងហោចណាស់មួយថ្ងៃនៃឆ្នាំប្រតិទិននោះ។
• ហើយមានសិទ្ឋិទទួលបានប្រាក់ឧបត្ថម្ភ (ឧទាហរណ៍ Family Tax Benefit A) យ៉ាងហោចណាស់ម្តង ក្នុងឆ្នាំប្រតិទិនពី Services Australia។

ជាមួយនឹង CDBS កូនរបស់អ្នកអាចមានសិទ្ធិទទួលបានរហូតដល់ទៅ $1,095 នៃតម្លៃសេវាកម្មធ្មេញជាមូលដ្ឋាន ក្នុងរយៈពេលពីរឆ្នាំប្រតិទិន។

សេវាកម្មធ្មេញជាមូលដ្ឋានដែលគ្របដណ្តប់ដោយ CDBS រួមមាន៖

• ការពិនិត្យមើល
• ការថតកាំរស្មីអ៊ិច
• ការសម្អាត
• ការផ្សាភ្ជាប់ស្នាំប្រេះស្រាំ
• ការបំពេញប្រហោងធ្មេញ
• ឫសធ្មេញ
• ការដកធ្មេញ។

នៅពេលធ្វើការណាត់ជួបធ្មេញសម្រាប់កូនរបស់អ្នក សូមសួរអំពី CDBS។

ពេទ្យធ្មេញរបស់អ្នកអាចពិនិត្យមើល ថាតើកូនរបស់អ្នកអាចប្រើ CDBS និងចំនួនទឹកប្រាក់ដែលអ្នកប្រហែលជានៅសេសសល់ដើម្បីប្រើឬអត់។

អ្នកក៏អាចប្រើគ្រោងការណ៍នៅ SA Dental Clinics ផងដែរ។

ស្នើសុំការណាត់ជួបសម្រាប់កូនរបស់អ្នកនៅទីនេះ។